НЗДТГ: Он дуусахаас өмнө 300 автобус оруулж ирнэ

Нийтийн тээврийн автобус худалдан авах тендерийн материал задлах үйл ажиллагаа өнөөдөр /2023.11.24/ боллоо.

Энэ үеэр Нийслэлийн Засаг даргын хэвлэлийн төлөөлөгч Н.Сугар нийтийн тээврийн парк шинэчлэлийн хүрээнд хэрэгжүүлж буй ажлын явцыг танилцууллаа. Тэрээр “Он дуусахаас өмнө эхний 300 автобусыг оруулж ирнэ. Гэхдээ автобус оруулж ирээд парк шинэчлэл хийгдчихэж байгаа юм биш. Нийтийн тээврийн чанар, хүртээмжийг сайжруулахад маш олон асуудал бий. Жолооч нарын үнэлэмж, цалин бага байна. Тэдний ёс зүй, харилцаа, хандлага дээр хариуцлага ярьж, тооцоход хүндрэлтэй. Цалин, хангамжийн асуудлаас үүдээд ажлаа хаях эрсдэл тулгардаг” гэлээ.