40 чиглэлд 44 тээврийн хэрэгсэл зорчиж байна

Өнөөдрийн 10.00 цагийн байдлаар нийт 40 чиглэлд 44 тээврийн хэрэгслээр 954 зорчигч зорчиж байна. Дархан, Сэлэнгэ, Төв, Дорнод аймгуудын зарим нутгаар цас орж салхи шуургатай байгаа бөгөөд бусад нутгаар цаг агаар тогтуун тээвэрлэлт хэвийн үргэлжилж байна хэмээн Автотээврийн үндэсний төвөөс мэдээлэв. Завхан, Солонготын давааны нөхцөл байдал хүндэрсэнтэй холбоотойгоор тээвэрлэлтийг эхлүүлэхгүйгээр хойшлуулах зохицуулалт хийжээ.

Улаанбаатар хот болон Увсын Улаангом сумаас гарах тээврийн хэрэгслүүдийн тээвэрлэлтийг эхлүүлэх, Архангайн Эрдэнэбулган суманд хоноглосон хоёр тээврийн хэрэгслийг 11.00 цагт хөдөлгөх зохицуулалт хийсэн байна.